என்ன புண்ணியம் செய்தனோ?

முன்னப் பிறந்த பிறவியிலே! - நான்




மன்னையிலே பிறந்து வளர்ந்து

மன்னையம் பதியையே நினைந்துருக

   (என்ன புண்ணியம்.....)



அரன் குலத்திலுதித்த என்னை

அச்சுதன் பால் ஈர்த்துவிட

 
   (என்ன புண்ணியம்.....)



கண்ணன் தாழ் பணிந்து

கதியே அவனென்றிட அடியவன்

   (என்ன புண்ணியம்.....)



உள்ளம் கொள்ளை கொண்டிடும்

உலகளந்த மூர்த்தி காண

   (என்ன புண்ணியம்.....)




புன்னகை யொன்று மனம்பறித்திடும்

புண்ணியனின் முகம் காண

   (என்ன புண்ணியம்.....)



யசோதை கண்ட லீலையை

யதார்த்தமாய் மன்னையில்  ரசிக்க

   (என்ன புண்ணியம்.....)



கீதை பிறந்த பூமியில்

கீற்றாயினும் நானிருக்க  முன்னம்
 
   (என்ன புண்ணியம்.....)



செண்ப காரண்யத் துள்

செல்லப் பிள்ளை கண்டிட

   (என்ன புண்ணியம்.....)



பிறவி யறுக்கும் பேறருளும்

பிரிய நாயகன் பால்வீழ

   (என்ன புண்ணியம்.....)



வாடாதத் துழாயணி தோளனை

வாழ்த்தி வணங்கிப் பணிய

   (என்ன புண்ணியம்.....)



வாசுதேவ நாமம் நாளும்

வாயார கூறி மகிழ

   (என்ன புண்ணியம்.....)



கோபாலன் பாதம் பற்றி

கோலங்கள் கண்டு மயங்க

   (என்ன புண்ணியம்.....)



விண்ணும் மண்ணும்  கண்டுமனம்

வியக்கும் மூர்த்தி காணநான்

   (என்ன புண்ணியம்.....)



பள்ளிகொண்ட பரமன் அவனை

பண்ணிலே துதித்துப் பாட

   (என்ன புண்ணியம்.....)



மலரன்ன மார்பிலே மாலவனின்

மங்கை அருளக் காண

   (என்ன புண்ணியம்.....)



வினை யாற்றும் விஷ்ணுவே

விளையாடும் அழகை காண

   (என்ன புண்ணியம்.....)



பேரண்ட  காரணன் இனிக்க

பேசும் உரையை கேட்க

   (என்ன புண்ணியம்.....)



மழலை மாறா மெல்லிதழை

மயங்கி கிறங்கி கண்டிட

   (என்ன புண்ணியம்.....)



செவ்வனே இருந்த என்னை

செவ்வடியால் கட்டு விக்க

   (என்ன புண்ணியம்.....)



ஐயைந்து மேழு சேவை

ஐய மின்றி கண்டிட

   (என்ன புண்ணியம்.....)



மனம் போகும் போக்குமாறி

மலர் மார்பனை பற்றிட

   (என்ன புண்ணியம்.....)



துவாபரத்தில் தொலைத்த வாய்ப்பைத்தென்

துவாரகையில் கண்டு களிக்க

   (என்ன புண்ணியம்.....)



மண்ணை யுண்ட இராஜனை

மன்னார் குடியில் காண

   (என்ன புண்ணியம்.....)



கோலம் கண்டு பித்தாக்கி

கோபால பிரிய னாக

   (என்ன புண்ணியம்.....)

                                -ஹரிசரண்

Comments

Post a Comment

Popular posts from this blog

உனது ஆடலில் என் மனம் படும் பாடு அறிவாயா? மயிற்பீலி அசைந்தாடிட மனமென்னவோ ஆகுதே! மயக்கமும் வந்தெய்தி இன்பவுணர் கூடுதே! பதம் மறந்து வாய் குழற இதம் தனை மனம் ரசிக்குதே! நிதம் உனது எண்ணம் வந்து சிதம் தனை புகுத்த லாக்குதே!  மனம் உருகி உன் நாமம் தினம் போற்றி பாட எண்ணுதே! இனம் புரியா காத  லொன்று அனம் போல் சுற்றி பறக்குதே! இதை யாவையும் வினை யாற்றிடு்ம் விதை நீயன உள முணருதே ! பதை யோடுன் திருப்  பாதத்தின் கதை கூறிட நா ஊறுதே! கோ பால பிரிய னுள்ளம் மா பாலம் கடக்க அம் மூ பாலன் மாம னான பூ பாலன் கழலைப்  பேணுதே!                                           - ஹரிசரண்
Read more
குழந்தை யாகவே காண்கிறேன் குன்று உயர்த்தி நின்றாலும் - உனை குழந்தை யாகவே காண்கிறேன் அரக்கரை வதைத்து தர்மம் காத்திடினும் அரவு மீதடியை பதித்து ஆடிடினும்                      (குழந்தை.....) உலகத்தை படைத் தாட்சி புரிந்திடினும் உன்னத உணர்வாலே உலகோரை மயக்கிடினும்   ‌‌                  (குழந்தை.....) மன்னையில் மன்னன் போல் இருந்திடினும் மங்கையை திரு மார்பில் சுமந்திடினும்   ‌‌                  (குழந்தை.....) இருவரோடு கூடி விளை யாடிடினும் இம்மையும் மறுமையும் நீ ஆகிடினும்   ‌‌                  (குழந்தை.....) இராஐ மகுடம் நீ தரித்திடினும் இணையற்ற கீர்த்தி நீ பெற்றிடினும்   ‌‌                  (குழந்தை.....) வைகுந்த நாதனாய் நீ அருளிடினும் வையம் முழுதும் நீ அளந்திடினும்   ‌‌        ...
Read more
அடியேனுடைய இருபத்து ஐந்தாம் பாடல் கோபால நாமம் வாழி! நாரணா வாழ்க! நால்வேத பொருளே வாழ்க! காரணா வாழ்க! கார்மேனிச் செம்மலே வாழ்க! இன்னுயிரில் கலந்த எம் மன்னவா வாழ்க! இம்மை எனை ஆட்செய்யும் இராகவா வாழ்க! தென் துவாரகை யாளுங் கோவே வாழ்க! தெளிந்த நீரின் அருங் குணமே வாழ்க! அரவு மீதயர்ந்த மலர் மார்பா வாழ்க! அகத்தினி லமர்ந்த ஒளிச் சுடரே வாழ்க! பல்லாண்டு கேட்டருளும் திருச் செவிகள் வெல்க! பகையோரைப் பந்தாடும் பொற் கோலும் வெல்க! ஈருலக மளந்த நின் திருவடிகள் வெல்க! ஈடற்ற மரகதத்  திரு மேனி  வெல்க! வெண்ணெய் களவாடிய நின் பொற்கரங்கள் வெல்க! வெம்மை தீர்த்தருளும் நனி வதனம் வெல்க! வலமாய் வள மருளும் திருமகளும் வெல்க! வஞ்ச மழித்திடும் நின் திருநாமம் வெல்க! புறத்தே  புலப்படா இறைவன் அடி போற்றி! புலன் அடக்கின் புரியும் மாயனடி போற்றி! தர்மத்திலே உறையும் கண்ணனடி போற்றி! தன்னிகரற்ற நம் தேவன் அடி போற்றி! பத்தால் பார்காத்த பரமன் அடி போற்றி! பரகாலனுக் கருளிய மன்னன் அடி போற்றி! கோபிலாதி முனிவர் தொழும் குழந்தையடி போற்றி! கோபால பிரய  ன...
Read more